— 200 —
|
Chonjet é oh galùet de vout béleg un dé
Eit streuein ar en doar tan flam er garanté.
Ama eit gobér vad d’ineañneu hou predér,
Ret é ma vou énnoh madeleh ha doustér.
Hur Salvér beniget e lar d’er gristénion :
« Gouiet mat é on dous hag izél a galon ! »
Cheleuet é gonzeu : béet dous. karantéus
Eit donet hui eùé de vout un eil Jézus [1].
|
————
Petra e laré Tour koh Ploué
é rauk bout diskaret
————
Chetu mé tour Ploué : sellet doh-ein, sellet :
Er pear horn ag er vro viloh tour nen des chet.
Lakeit on get en ol memb arlerh tour Kalan
E saù ahoèl é bén plom de gavet en Néan.
Ha mé, él un dèn koh get en oed goalauzet,
Edam sam er bléieu me fén e zou krommet.
Alkent, eit laret mat, ne jauj ket doh Ploué
Un tour ker izélek, un tour sort genein mé.
Pet kuèh em es kleùet tud arriù a véz-bro,
Get ur min hoarh goapour é laret bep eil tro :
« Hennen é tour Ploué en ur barréz ker bras
E hes un tour ker peur ! un tour groeit get mein glas !
Ha hoah è ma krommet ! hoah è ma prest de goéh !
Kenevé ma on glas me ruehé get méh
Pe gleuan ker liés è hobér goap elsé
A me farréz karet, ag en dud a Bloué,
Ahoel a p’em behé klehér braù ha sklintin
Ne vehé ket ker bras er véh hag en ankin.
Allas ! er hontrel é. Men deu druhek a gloh
Get ou boéhieu torret e son biskoah goañnoh.
Kaer en des er hlohour tennein ar er gorden
A boén man dint kleuet é son d’en overen.
- ↑ Er hroédur-men e zout deit de vout béleg devéhatoh, de vout un eil Jézus — Marù é d’en oed a hanter-hant vlé, arlerh en dout groeit kalz a vad d’en ineannen.
|
