— 20 —
|
Più e larou en treu e oé bet dismantet
Get er gomér, en déieu-sé ?
Ha lart e oé kement nezé
Ma oé tostig ront él ur voul.
Mes trouz e gleu doh er vangoér
Ha chetu hi é klask en toul
Eit moneit kuit ag er sulér
En toul nen dé ket mui
Frank erhoalh aveiti,
Ha hi e dro hag e zistro.
« Dré-men neoah emes paset.
« E mé hi, n’en des chet guerso.
« Kredein e hran, n’um drompan ket. »
Ur rah, doh hé guélet é poén,
E lar : « Perak bout soéhet ?
« Nezé hou poelleu e oé moén
« Ha bremen é mant karget.
« Tret e oeh, me her komèr,
« A pe oèh deit ér sulér ;
« Ret é ma véet tret,
« Er méz a pe iéet. ».
|
————
Un den avarisius kollet dehou é drézol
————
Argant e zou tra didalvé
Mar ne hrér getou implé.
Mes a betra é mant pinùikoh, laret d’ein,
Mar ne hrant implé erbet
Get en argant ou des tolpet ?
Er peuran den e zou nezé,
A dra sur, ker pinùik eldé.
E han de laret un histoér
E mes disket pe oén bihan,
Hag ou lakei de huélet sklér
E’ ma guir er péh e laran.
|
Bout oé un dén avarisius
En doé un trézol présius,
Ur som argant biskoah brasoh,
|
