— 197 —
Lihér skriùet d’en Eutru Dréaneu
person Persquen (ér blé 1891)
————
Eutru Person karet, arriù on a Bersquen
Arriu on hoah éndro, é bro er Mañnéguen,
Ha chom e hra genein ur chonj biskoah dousoh
Ag en digemér mat em es kavet genoh.
Me halon e houten laret d’oh trugéré
En devout diskoeit d’ein kement a garanté.
A huerso m’hous hanaù, ag en oèd a groèdur.
Hiniù en dé me chonj get joé ha plijadur
En amzér bourus-hont, a pe oén hoah bihan,
A pen dén de gleuet en ovéren tostan,
D’hous overen, Eutru, liés é hen nezé ;
Kuré é oèb hanùet é bro Bertelamé.
P’hou kleùen é predeg lézen en Eutru Doué,
Me laré dré me chonj: « Me vou beleg eùé »
A houdé, en amzér en des bean treménet ;
Deit on de vout béleg, él m’em boé er chonjet.
Deit on de vout béleg, deit de vout kuré,
E parréz Sant-Guénin, tost de Vertelamé.
Ni um huélé liés, amied mat e oemb,
Ha divizeu joéius é oé ataù genemb.
Mès pe daulen ur sel arhou plèu du ha guen,
Me chonjé mar-a-huéh : « Kohat e lira men dén.
Ként pèl é partiou, kent pél é vou person,
Aveit Bertelamé napéh un tarh kalon !
Arriù é kement sé. En Eskob a Huéned
En des hou tavéet person d’er vro pourlet.
En ur barrézig kaer étal er Guémené,
E men e hues kavet tud nerhus én ou fé ;
E men e hues kavet chapél er Peneti
Saùet get Guillemot én inour de Vari.
Più e hellou laret en ankin, en dristé
E zégoéhas kentéh é bro Bertelamé ?
En dud e huañnadé hag e laré dalhmat :
« Men Doué, aveit omb rah napéh ur galonad !
Kol ur huré ker mat, un dén ken avizet ?
Oh ! er chonj a nehou e vou genemb perpet. »
|
