— 17 —
|
De huéhein arnehé get er safar brasan.
Er Gorzennig e bleg hé fen
Ha chom e hra plom en Derhuen
Neoah kriùoh pé kriù en aùél kounaret
Er bareu dél e huéh atau,
Hag en Dereuen ihuél a blad e zou koéhet
Dirak er Gorzen en hé saù.
Aveit chom én hou saù, pléget ;
Hui e goéhou, mar um saùet !
|
————
Er Veitouréz hag er podad leah
————
|
Perrot er veitouréz, ur pod doar ar hé fen
Lakeit dehi sonn mat é kreiz ur dorchen bren,
E ié de huerhein leah d’er gér ag en Oriant.
Avèl ur plah iouank kerhet e hré liant
Rak hé doé keméret en dé-sé dilliad skan :
Hé boteu lèr izél, hé broh koton moénan.
Perrot épad en hent én hé chonj e gonté
En argant ag er leah ; getou hi e brené
Un nebedig uieu de lakat de horein
« A dra sur, emé-hi, ne vou ket diés d’ein
« Desaù étal me zi bandenneu pousined.
« Guir é, gellein e hrei er luhern ou laèret ;
« Mes alkent treu erhoalh e chomou hoah genein
« Eit prenein, mar karan, ur pemmoh de lardein.
« M’er lardou fonnabl mat, hemb dispign kalz a vrén
« Me douchou, p’er guerhein, ur som argant aben,
« Ha mar lakan me chonj, perak n’em behé ket
« Ur vuoh open ér hreu, ur lé bihan alet,
« Ur lé hag e saillou joéius étal é vam ? »
Perrot eùé joéius e saill édan hé sam :
Er podad leah e goéh… ha kenavo nezé
D’er vuoh, d’er pousined, d’er pemmoh ha d’er lé !
D’er gér é has éndro er Veitouréz chiffet
E lezel ar hé lerh hé fodad leah skuillet,
Ha get méh é laras en histoér d’hé fried
En danjér a reseu ar hé hein un tam koed.
|
