Eustèl e bras toulein é vé
Er lojig peur léh ma viué
27
Eustèl ember amzér goudé
E helias Eutrop er bé.
Ou deu é mant get hur Salvér
Er Baraouiz é kreiz er gloér
28
Ha ni eldé, breder karet
D’er Baraouiz é omb galuet.
Eldé dalhamb doh lézen Doué
Hemb doujans a gol hun buhé
29
D’er chapél gaèr ag er Ferré
Perhinderion tostomb get fé
Er pardon bras um gav d’en han
E mis est, er sul devéhan.
30
Inouramb er Sant beniget
En des hun tadeu inouret.
Pedamb Sant Eutrop a galon
Ha goulennamb è hoarnasion.
31
Liès en dès groeit mirakleu
Aveit rein sekour d’hun tadeu.
Mar er pedamb gredus eldé
Ean e rei d’emb sekour eùé
32
Aveit omb ni, tud à Bluniau
Goulennamb bout fidél ataù
Fidél de Zoué, d’hun badéent
El ma oé hun tadeu agent.
