Un dé en derùen vras
D’er gorzen e laras :
« A dra sur n’hellet ket
« Trugérékat en Eutru Doué
« En devout hou kroéet
« Ker bihan ha ker goann eué.
« Ar hou parigeu moén nitra n’hellet kemér ;
« Un énig aveit-oh e zou ur bouiz poñnér
« Hag en dousan aùél e dreboul lein en deur
« Hou laka de blégein izél hou pennig peur.
« Na dishanval on doh-oh hui, tam tra distér !
« Sellet me fen saùet ken ihuél en amzér
« Ma touchan gozig bet en Nean !
« Sellet mem bareu ker ledan
« Men dé goleit dehé en doar pèl tro-ha-tro !
« Kaer en des en auél huéhein énné guerso,
« En aùél e dremén ha me chom plom ataù.
« Ha hui, korzen, ne hret meit plégein hemb arsaù.
« Ahoèl a pe vehèh édan mem bareu dél,
« Get joé m'hou koarnehé doh tauleu en harnan.
« Mes chetu hui durheit a bep tu d'en aùél :
Truhé em es doh-oh, o korzen ker bihan. »
— « Arsaùet, o derùen,
« A gemér truhé doh-ein,
E reskond er gorzen.
« N'em es chet léh d'um glemmein,
« Rak me Hroéour hag hous hani,
« D'ein mé kerklous avèl d'oh hui,
« E’ vadelèh hemb par en dès eùé diskoeit.
« Eurus on én tachad, léh ma on bet lakeit.
« Me houér a drest en doar ne saùan ket ihuél,
« Me houér é vransellan a pe huéh en aùél ;
« Ne vern, goah aveit-on e hues léh de zoujein
« Er gurun é kornal, en aùél é huéhein ;
« Plégein e hran liés, mès torrein ne hran ket.
« Ha hui betag bremen plom én hou saù perpet,
« Derùen ihuél, dihoallet mat
« A goéh un dé benag a blad ! »
Embér goudé chetu arriù un taul harnan
