Pajenn:Le Strat - Guerzenneu Breih-Izel, 1931.djvu/150

— 150 —

8

O Mam santél, ar namb eué
Skuillet grèseu get larganté :
Dakoret d’emb, èl d’hun tadeu,
Er choéj ag hou tonézoneu.

9

Sekouret ni, bras ha bihan.
Dégaset iéhed d’er ré klan,
Konfort d’er haloneu gloézet,
Pardon d’er péhour ankinet.

10

En hur halon, Intron er Bleu,
Groeit ma vleuou er vertuieu ;
Groeit ma véemb gredus ér fé,
Sentus ataù doh lézen Doué.

11

En eurusted ne gavér ket
E kreiz er joéieu ag er bed ;
Sauet hur chonj, o Mam santél,
Betag er joéieu éternél.

12

En achimant ag hur buhé
O Mam, digoret d’emb en Né,
Leh ma véemb perpet eurus
Genoh étal hou Mab Jézus.

————

Kan aveit dégemér en Eutru Guillou

person neué Gellégouarch

————

1

Hou pugalé hiniù tolpet
Hou tigemér get karanté ;
O tad, reveet beniget,
Deit oh aberh en Eutru Doué !