20
Nezé Marsian kounaret
D’er boureù en des kemenet
Tourmantein er huerhiéz tinér
Er goaban féson ma hellér.
21
E kreiz tourmanteu ken éhus,
Barb um ziskoé koutant, joéius
Ne gavé meit joé ha doustér
E soufrein aveit hur Salvér.
22
Ur baiañnéz, hanùet Julienn.
E huélet gred er verh kristén,
D’er faus douéed e renonsi
Aveit bout martiréz geti.
23
Marsian get è rustoni
Ataù nitra n’hellé gouni ;
Raksé Barb e zou kondañnet
Embér de veruel dibennet,
24
Dioskor um genig nezé
De lemel geti hé buhé.
En tad maleurus hemb donjér
Doh é groédur e zou multrér.
25
Barb, érauk tremén ag er bed,
Get Jézus en doé goulennet
Rein ur marù santél hag eurus
D’er hristén hé fedou gredus.
26
Kentéh ur voéh d’er vartiréz,
En des laret : « Deit, m’amiéz,
« De vout lodek é me joéieu,
« Cheleuet é hou pedenneu ».
