17
Chetu marù en herrad goudé
En eutru Eskob a Angé
Hag er gér abéh, d'ur memb boéh
E houlen Albin en é léh.
18
Albin um gavé ré zistér
Eit kemér ur garg ker ponér,
Mès sentein e hra hemb dalé
Pe huél é ma galùet get Doué.
19
Lakat e hra ol é soursi
De gondui mat é eskobti,
Ha gredus é labour bamdé
Eit brasan gloér en Eutru Doué.
20
Albin get er soursi brasan
E ia de huélet er ré klan ;
Ol er geih tud lan a vizér
E gav énnou un tad tinér.
21
A drest pep tra d'er béherion
E ma digor ol é galon.
Più e larou è leùiné
A pe hel ou gouni de Zoué ?
22
Eit Sant Albin arriù e oé
Er hours de monet devad Doué.
D'er Baradouiz é ma galùet ;
Pear-uigent vlé en doé biùet.
23
Pen dé treménet Sant Albin,
Nen des ér vro nameit ankin.
En ol e ouil d'er bugul mat
El ma ouil bugalé d'ou zad.
