Ie LODEN
Er Grillan hag er Velionen
————
|
En amzér ag en han,
Hemb arsaù, noz ha dé,
E kañnè er Grillan,
Ha bourus é kavé.
É kreiz en deverrans,
Ankoéheit mat en doé
A cherrein é viùans
Eit en amzér goudé.
Mes tremén e hra béan
En imbad, en hoari.
Chetu deit er gouian
Ha deit er gerteri !
Ne gavé mui nitra
De rein d’é gargusen,
Na prinùed, na bara,
Nag um tam kelionen.
Er Grillan disoursi,
Gouli kaèr é voelleu,
Kalz a hoant n’en doé mui
De laret soñnenneu.
De di er Velionen
Ean oeit, er hèh Grillan.
De houlen ur hrañnen
Aveit torrein é nan.
— « Me lar d’oh a vremen,
« A galon, emé éan,
« M’hou péou, en est-men,
« Diù krañnen eit unan. »
Mes er Vélionen kri
E reskond d’er Grillan :
« Bara ne hues chet mui !
« Petra hrèh hui d’en han ?
|
