Pajenn:Le Joubioux - Doué ha mem bro.djvu/52

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ



D’EM BRÉR.


————


ER BEURERION É SANTÈS ANNA.


Ton : Santès Anna.


————


Paris, er 17 a vis Méhuein 1838.


Cheleuet-ni, perhinderion
A za de Santès-Anna :
Hou pet truhé doh peurerion
Zo dastumet ama :
Sellet, gùélet hun trebilleu,
Allas ! n’en dès ket brassoh !
Eid omb é ma ol er poénieu,
El lehuiné zo eid oh !

De vitin hol zo dihousket
Ar ur gulé douç ha kaër ;
Er peur ar en doar astennet
A gousk idan en amzér !
De greis-dé a pe son er hloh,
Hou miren zo aleijet :
Er peur, ma ne receu ghet-n-oh
N’en devo miren erbet.