Adlennet eo bet ar bajenn-mañ
VII
Demp adare da Lann-Huon
Dre benn ti ann aotro person ;
Leromp, hon daou, peb a beden
Barz e chapellik ann dosen !
Eunn dol-aoter a zo eno
Gret gan-e-de a neve-so ;
Ann Itron-Varia-Drue
A zo war-n-hi enn he c’hoaze.
Kenavo dide, chapellik,
Na vo ket pell e vi bravik ;
Pa vo war-n-out ar c’halver men
Hag enn dro dit ann illaouen.
Kristen, mar-d-ez da droad ar groaz
War da hent e weli zent braz ;
Laket eno vit he diwall
Euz goaperezo ann dud fall.
I.-M. AR IANN.
Lann-Huon, 15 eost 1872.
