Pajenn:Le Gonidec - Bibl Santel pe Levr ar Skritur Sakr, levr Iañ.djvu/705

Eus Wikimammenn
Adlennet eo bet ar bajenn-mañ
671
levr ar psalmou.

pérâg éc’h en̄krézez-té ac’hanoun ? Laka da c’héd enn Aotrou ; râg hé veûli a rinn c’hoaz, ével silvidigez va dremm,

6. Ha va Doué. Va éné a zô bét en̄krézet enn-oun va-unan ; râk-sé em bézô koun ac’hanod eûz a zouar ar Jourdan, eûz a Hermon, hag eûz ar ménez bihan.

7. Eul loun̄k a zenn eul loun̄k all d’hé heûl, galvet gan̄t mouez da zic’hlannou (M). Da holl goummou ha da holl wagennou a zô dilammet war-n-oun (M).

8. Ann Aotrou en deûz gourc’hémennet d’hé drugarez don̄t d’ann deiz merket : ha d’hé ganaouen don̄t d’ann nôz (M). Mé a bédô enn-oun Doué va buez.

9. Mé a lavarô da Zoué : Va digémer oud. Pérâg éc’h eûz-té va an̄kounac’héet ? Ha pérâg é kerzann-mé trist, en̄dra ma ounn glac’haret gan̄d ann énébour ?

10. En̄dra ma vréveur va eskern, va énébourien, péré a heskin ac’hanoun, a ra c’hoaz tamallou d’in, ô lavarout d’in bemdez : Péléac’h éma da Zoué ?

11. Pérâk, va éné, oud-dé trist ? Ha pérâg éc’h en̄krézez-té ac’hanoun ? Laka da c’héd enn Aotrou ; râg hé veûli a rinn c’hoaz, ével silvidigez va dremm, ha va Doué.


————


XLII. PSALM.


Psalm David.


1. Barn ac’hanoun, va Doué, ha rann va c’héfridi diouc’h eur vrôad ha né két san̄tel : tenn ac’hanoun eûz a zaouarn ann den fallagr ha touelluz.

2. Pa oud va ners, ô Doué, pérâg éc’h eûs-té va bannet ? Ha pérâg é kerzann-mé trist, en̄dra ma ounn glac’haret gan̄d va énébour ?

3. Digas da c’houlou ha da wirionez ; hî hô deûz va rénet ha va c’haset war da vénez san̄tel hag enn da dabernaklou.

4. Hag éz inn bétég aoter Doué, étrézé Doué, péhini a laouéna va iaouan̄ktiz. Mé a veûlô ac’hanod war ann délen, ô Doué va Doué.

5. Pérâk, va éné, oud-dé trist ? Ha pérâg éc’h en̄krézez-té ac’hanoun ? Laka da c’héd enn Aotrou ; râg hé veûli a rinn c’hoaz ével silvidigez va dremm, ha va Doué.


————


XLIII. PSALM.


Évid ann divez, da vipien Koré, évid ar poell.


1. Doué, klevet hon eûz gan̄d hon diskouarn : hon tadou hô deûz danévellet d’é-omp al labour éc’h eûz gréat enn hô deisiou, hag enn deisiou ken̄t.

2. Da zourn en deûz kaset-da-gét ar brôadou, hag éc’h eûz hô lékéat énô : glac’haret hag harluet éc’h eûz ar boblou-zé.

3. Râk né két gan̄d hô c’hlézé eo éz in̄t deûet da véza perc’hen d’ann douar (T) : ha né két hô bréac’h é deûz hô dieûbet ; hôgen da zourn déou, ha da vréac’h, ha sklerder da zremm ; ô véza ma éc’h eûz hô c’haret.

4. Té a zô ivé va roué ha va Doué : té péhini éc’h eûz dieûbet Jakob gan̄d da c’hourc’hémenn.

5. Enn-od é kavimp ann ners évid diskara hon énébourien ; hag enn da hanô é raimp faé war ar ré a zaô enn hon énep (T).

6. Râk na likiinn két va géd em gwarek ; ha va c’hlézé na zieûbô két ac’hanoun.

7. O véza ma eo té éc’h eûz hon tennet eûz a zaouarn ar ré a c’hlac’haré ac’hanomp ; hag éc’h eûz gôlôet a vez ar ré hô dôâ kas ouz-omp (T).

8. É Doué en em veûlimp héd ann deiz : hag éc’h an̄savimp da hanô da-vikenn.

9. Hôgen bréma éc’h eûz hor bannet hag hor mézékéet ; ha na gerzez mui gan̄d hon arméou.

10. Hol lékéat éc’h eûz da drei kein d’hon énébourien ; ha nî a zô deûet da breiz d’ar ré hor c’haséé.