braz a bublikaned hag a dud all oa euz taol ganthei. 30 Hag ar re anezhei a oa skribed ha farisianed a grosmole hag a lavare d’he ziskibien : Perag e tebret hag ec’h evet-hu gant ar bublikaned ha gant an dud a vuez fall ? 31 Ha Jesus, o kemer ar gomz, a lavaraz dezhei : N’eo ket ar re a zo iac’h eo ar re ho deuz ezom a vedisin, mes ar re a zo klanv. 32 Deuet oun da c’hervel d’ar geuzidigez, nan ar re wirion, mes ar bec’herien.
33 Lavaret a rejont ive dezhan : Perag e iun diskibien Ian aliez hag e reont pedennou kenkoulz evel re ar farisianed ; el leac’h da re te a zebr hag a ev ? 34 Hen a lavaraz dezhei : Ha c’hwi a hell lakaat da iun miniouned ar pried, epad ema ar pried ganthei ? 35 Mes deiziou a zeuo en pere e vezo lamet ar pried diganthei ; neuze e iunfont en deiziou ze. 36 Lavaret a reaz ive dezhei eun hevelidigez : Den ne laka eun tam euz a eur gwiskamant nevez da eur gwiskamant koz : rag, an nevez a freuzfe ar c’hoz, hag an tam kemeret euz an hini nevez n’en em ra ket gant an hini koz. 37 Den ne laka gwin nevez en beselioue koz ; rag ar gwin nevez a dorfe ar beseliou koz hag en em skulfe, hag ar beseliou a ve kollet. 38 Mes ar gwin nevez a lekeer en beseliou nevez, hag an daou en em vir a unan. 39 Ha n’hen deuz den pehini, a ev gwin koz, a c’houlen gwin nevez ; rag, lavarout a ra : Gwell eo an hini koz.
6 En em gaout a reaz, epad an eil kenta sabbat, ma tremene Jesus dre an hed ; he ziskibien a ziframe tamwezenou, hag, o veza ho gwasket en ho daouarn, e tebrent anezhei. 2 Hag hinienou euz ar farisianed a lavaraz dezhei : Perag e rit-hu ar pez n’eo ket dleet ober en deiziou ar sabbat ? 3 Neuze Jesus, o kemer ar gomz, a lavaraz dezhei : N’oc’h euz-hu ket lennet petra a reaz David, hag ar re a oa ganthan pa ho doa naoun ? 4 Penaoz ez eaz en ti Doue, hag e kemeraz ar baraou a ginnik, hag e tebraz outhei hag he roaz memeuz d’ar re a oa ganthan, petra benag na helle ho dibri nemed ar veleien hepken ? 5 Hag hen a lavaraz dezhei : Mab an den a zo Mestr, memeuz euz ar sabbat.
6 En em gaout a reaz ive, eun deiz all a sabbat, m’az eaz er sinagog, ha ma kelenne ennhi ; hag e oa eno eun den a behini an dorn deou a oa dizec’het. 7 Hag, ar skribed hag ar farisianed a zelle outhan, evit gwelet hag hen a iac’haje deiz ar sabbat, evit kaout peadra d’he damall. 8 Mes evel ma c’hanaveze ho sonjezonou, e lavaraz d’an den hen doa an dorn dizec’het : Sav te, hag en em dalc’h er c’hreiz. Hag hen, o veza savet, en em dalc’haz en he za. 9 Jesus a lavaraz dezhei eta : Eun dra a c’houlennin ouzoc’h, ha dleet eo en deiziou ar sabbat ober vad pe ober drouk, sovetaat eun den, pe he lezel da goll ? 10 Hag o veza sellet euz ar re holl a oa en dro dezhan, e lavaraz d’an den : Asten da zorn. Ober a reaz, hag he zorn a zeuaz iac’h evel egile. 11 Hag int a oe leuniet a fulor, hag en em guzulient var ar pez a heljent ober da Jesus.
12 En amzer ze, Jesus a ieaz var eur menez evit pedi ; hag e tremenaz an noz holl, o pedi Doue. 13 Ha pa oe deuet ar beure, e c’halvaz he ziskibien, hag e tibabaz daouzek anezhei, pere a c’halvaz ebestel ; 14 Simon, pehini a hanvaz Pêr, hag Andre he vreur, Jakez ha Ian, Filip ha Bartelemi, 15 Maze ha Thomas, Jakez, mab Alfe, ha Simon, hanvet ar Zelet, 16 Judas breur Jakes, ha Judas Iskariot, pehini a oa an hini hen gwerzaz.
17 O veza neuze diskennet ganthei, e choumaz en eur blenen gant he vanden diskibien, hag eul lod braz a dud euz a Jude euz a Jerusalem, hag euz a vro arvorek Tir ha Sidon, pere a oa deuet evit he glevet hag evit beza iac’heet euz ho c’hlenvejou. 18 Hag ar re a oa trec’het gant an drouk sperejou a oa ive iac’heet. 19 Hag an holl bobl a glaske stoka ennhan, abalamour ma teue anezhan eun nerz pehini ho iac’hae holl.
20 Neuze Jesus, a savaz he zaoulagad var he ziskibien, o lavarout : Euruz oc’h-hu, peorien, rag rouantelez Doue a zo deoc’h. 21 Euruz oc’h-hu pere oc’h euz naoun brema, rag c’hwi a vezo leuniet. Euruz oc’h-hu pere a wêl brema, rag c’hwi a vezo er joa. 22 Euruz e vefet, pa gasao an dud ac’hanoc’h, pa gasfont ac’hanoc’h euz ho zouez, pa lavarfont pouill deoc’h ha pa daolfont hoc’h hano evel fall, abalamour da Vab an den. 23 En em laouenait en amzer ze, ha tridit a joa ; rag ho pae a vezo bras en env, rag evel ze ho deuz groet ho zadou d’ar brofeded.
24 Mes gwal-heur deoc’h-hu, tud pinvidik, rag c’hwi oc’h euz bet ho pae. 25 Gwal-heur deoc’h-hu, pere a zo
