3 Pa en em guzfent var lein ar C’harmel,
Me ho c’hlasko eno, hag ho zavo ac’hane ;
Ha pa dec’hfont euz dirag va daoulagad bete fons ar mor,
Eno me a c’hourc’hemenno d’an aer flema anezhei.
4 Ha pa ez afont en esklavach dirag ho enebourien,
Eno me a c’hourc’hemenno d’ar c’hleze ho laza,
Hag he lakain va lagad varnezhei
Evit ober droug dezhei ha nan vad.
5 An Aotrou, Aotrou an armeou, eo an hini a stok en douar, hag he teûz,
Hag ar re holl a choum ennhi a c’harm ;
Piniat a ra holl evel eur rivier,
Hag izelaat a ra evel rivier an Ejipt.
6 Sevel a ra en envou he gamprou huel,
Hag he sol he wareg var an douar ;
Gervel a ra doureier ar mor,
Hag he skul anezhei var fas an douar.
He hano eo an Aotrou.
7 N’hoc’h ket evidoun me evel bugale an Ethioped,
Bugale Israel ? a lavar an Aotrou,
N’em euz me ket lakeat Israel da biniat euz bro an Ejipt,
Ar Filistined euz Kaftor hag ar Sirianed euz Kir ?
8 Setu ama, daoulagad an Aotrou, an Aotrou, a zo var ar rouantelez pec’her ze,
Ha distruja a rin anezhi a zivar c’horre fas an douar.
Koulskoude n’he zistrujin ket holl di Jakob,
A lavar an Aotrou.
9 Rag setu, ez an da rei va urzou,
Hag he c’hijin ti Israe] entouez an holl vroadou,
Evel ma eo hijet an ed er c’hroez,
Hep ma kwez eur c’hreunen d’an douar.
10 Holl bec’herien va fobl a varvo dre ar c’hleze,
Ar re a lavar : An drouk na dostao ket, na dapo ket ac’hanomp.
11 En amzer ze, me a adsavo tabernakl David pehini a zo kwezet,
Ficha a rin an toullou, kempen ar rin an diskariou,
Hag hec’h adsavin anezhan evel ma oa en deiziou ansien ;
12 Evit ma perc’henno an nemorant euz Edom hag an holl boblou
Var bere eo bet galvet va hano,
A lavar an Aotrou, pehini a raio kement se.
13 Setu, an deiziou a zeu, a lavar an Aotrou,
En pere al labourer a heulio a dost ar meder ;
Hag an hini a wask ar rezin, an hini a skul an had ;
Hag ar meneziou a vezo diveruz a win,
Hag an holl grec’hiennou a wajenno.
14 Ha me a zistroo esklaved va fobl Israel ;
Adsevel a refont ar c’heariou glac’haret, hag e choumfont ennhei ;
Planta a refont gwiniennou, hag he c’hevfont gwin outhei.
Ober a refont jardinou hag he tebrfont ar freuz outhei.
15 Me ho adlakaio en ho douar,
Ha ne vefont ken diframet euz ho douar, pehini em euz roet
dezhei,
A lavar an Aotrou da Zoue.
1 GWELIDIGEZ Abdias,
Evelhen Hen deuz lavaret an Aotrou, an Aotrou, divarben Edom :
Ni hon euz he glevet a beurz an Aotrou,
Hag eur c’hannad a zo bet kaset entouez ar broadou.
Savet ! savomp a enep ar bobl ze ha brezelliomp en he enep !
2 Setu, Me he lakao bihan entouez ar broadou.
3 Gwal disprijet he vezi.
Ourgouil da galoun hen deuz da dromplet,
Te pehini a choum en toullou ar reier,
Da choumaj huel,
Hag a lavar en da galoun :
Piou am zolo d’an douar ?
