kostez ar C’hreizteiz pevar mim pemp kant, euz koztez ar Savheol mil pemp kant, euz kostez ar C’huzheol pevar mil pemp kant. 17 Fabourziou evit kear ho devezo en Hanter-noz daou c’hant hanter kant, hag er C’hreizteiz daou c’hant hanter kant ; er Savheol daou c’hant hanter kant, hag er C’husheol daou c’hant hanter kant.
18 Divarben ar pez a vano var an hed, dirag d’al loden kensagret, pe dek mil gwalen er Savheol ha dek mil er C’husheol, dirag al loden kensagret, kement se a vezo al leve, evit beva ar re a labouro evit kear. 19 Ar re a labouro evit kear, euz a hol bobladou Israel, a labouro al loden ze. 20 An holl euz al loden kensavet a vezo pemp mil varn-ugent var bemp mil varn-ugent ; kensevel a refet ar c’hart euz al loden santel ze, evit dalc’h kear. 21 An nemorant a vezo evit ar prins, en daou du d’al loden santel kensavet hag euz dalc’h kear, a hed ar pemp mil varn-ugent gwalen euz al loden kensavet, bete harz ar Savheol, hag er C’husheol, a hed ar pemp mil varn-ugent gwalen bete harz ar C’huzheol, dirag a lodennou. Hennez a vezo evit ar prins ; al loden santel kensavet ha santuar an ti a vezo er c’hreiz. 22 Loden ar prins a vezo eta adaleg dalc’h al Levited hag adaleg dalc’h kear al lec’h entre harz Juda ha harz Benjamin a vezo evit ar prins.
23 An nemorant a vezo evit ar bobladou all : euz ar Savheol d’ar C’husheol, eul loden da Venjamin ; 24 var harz Benjamin, euz ar Savheol d’ar C’husheol, eul loden evit Simeon ; 25 var harz Simeon, euz ar Savheol d’ar C’husheol, eul loden evit Issakar ; 26 var harz Issakar, euz ar Savheol d’ar C’husheol, eul loden evit Zabulon ; 27 var harz Zabulon, euz ar Savheol d’ar C’husheol, eul loden evit Gad ; 28 ha var harz Gad euz tu ar C’hreizteiz, er C’hreizteiz, an harz a ielo adaleg Thamar bete doureier an enebiez, en Kades, bete an dour-red entrezek ar mor bras.
29 Honnez eo ar vro a lodenfeet, dre ar zort, en heritach da bobladou Israel, hag ar re ze eo ho lodennou, a lavar an Aotrou, an Aotrou.
30 Setu ama ar monedigezou euz kear : euz tu an Hanter-noz, pevar mil pemp kant gwalen ; 31 doriou kear a zougo hanoiou pobladou Iarael : teir dor en Hanter-noz : dor Ruben, unan ; dor Juda, unan ; dor Levi, unan. 32 Euz tu ar Savheol, pevar mil pemp kant gwalen, ha teir dor : dor Josef, unan ; dor Benjamin, unan ; dor Dan, unan. 33 Euz tu ar C’hreizteiz, pevar mil pemp kant gwalen, ha teir dor : dor Simeon, unan ; dor Issakar, unan ; dor Zabulon, unan. 34 Euz tu ar c’husheol, pevar mil pemp kant gwalen, ha teir dor : dor Gad, unan ; dor Asser, unan ; dor Neftali, unan. 35 Tro kear a vezo triwec’h mil gwalen, hag adaleg an deiz ma hano kear a vezo : An Aotrou a zo ama.
1 AN trede bloaz euz a ren Jehojakim, roue Juda, Nebukadnetsar, roue Babilon, a zeuaz a enep Jerusalem hag a gelc’hiaz anezhi. 2 Hag an Aotrou a lekeaz entre he zaouarn Jehojakim, roue Juda, hag eul loden eus a vesellou ti Doue ; ha Nabukadnetsar ho c’hasaz en bro Shinear, en ti he zoue, hag he lekeazi ar bezellou en ti tenzor he zoue.
3 Hag ar roue a c’hourc’hemennaz da Ashpenas, chef he spazeien, digas, euz a douez bugale Israel, euz a ras ar roue hag euz ar genta prinsed, 4 eun den iaouank benag en pere ne vije si a gorf ebet, ha kaer, disket en pep furnez, o kaout gwiziegez ha leun a skiant, ha pere a vije kapabl d’en em derc’hel en palez ar roue, ha da ziski dezhei lizerennou ha iez ar Galdeed. 5 Hag ar roue a roaz dezhei, evit bep devez, eul loden euz a veuzou he daol hag euz ar gwin a behini ec’h eve, abalamour d’ho zevel evel se enpad tri bloaz, en fin pere en em dalc’hjent dirag ar roue. 6 Beza he oa en ho zouez, euz bugale Juda, Daniel, Hanania, Mishael hag Azaria. 7 Ha chef ar spazeien a roaz hanoiou all dezhei : rei a reaz
