Mez an dud ha disprijet ar bobl.
8 Ar re holl am gwel a ra goab ac’hanoun ;
Digerri a reont ho genou, ija reont ho fenn.
9 En em harpa a ra var an Aotrou, a leveront, ra hen delivro ;
Ra hen savetao, pa Hen deuz lakeet he garantez ennhan.
10 Ia, Te eo an Hini Hen deuz va zennet euz kof va mam,
Hag Hen deuz va lakeat da ziskwiza en peoc’h var he bron.
11 Lakeat oun bet ebarz da zaouarn adaleg va ginivelez ;
Adaleg kof va mam out va Doue.
12 Na bellaa, ket ouzin, rag an dristidigez a zo tost,
Ha n’euz den d’am zikour !
13 Kolleou niveruz ho deuz va zroiet ;
Kolleou galloudek a Vassan a ra an dro d’in.
14 Digerri a reont ho genou em enep,
Evel eul leon skrapuz ha iuduz.
15 Beza oun evel an dour pehini a red,
Ha va holl eskern a zo dijuntret ;
Va c’haloun a zo evel ar c’hoar,
Teui a ra em c’hreiz.
16 Va nerz a zo dizec’het evel ar vriken ;
Va zeod a zo stag euz va staon,
Ha ma gourvezet ec’h euz en poultren ar maro.
17 Rag chas a zo deuet en dro d’in,
Eur vanden dud fall ho deuz va zroiet ;
Toullet ho deuz va daouarn ha va zreid.
18 Niveri a rin va holl eskern.
Evesaat ha sellet a reont ouzin.
19 Lodenna a reont va dillad entrezhei ;
Teurel a reont va zae d’ar zort.
20 Te eta, Aotrou, na bellaa ket !
Te, va nerz, dired d’am zikour !
21 Delivr va ine euz ar c’hleze,
Va c’haret-mad euz troad ar chas !
22 Saveta ac’hanoun euz genou al leon,
Tenn ac’hanoun euz kerniel an unikorned.
23 Diskleria a rin da hano d’am breudeur ;
Da veuli a rin en kreiz an asamble.
24 C’hwi pere a sonj en Aotrou, meulit anezhan ;
Holl ras Jakob, meulit Hen ;
Holl ras Israel, doujit Hen !
25 Rag n’Hen deuz ket disprijet na kaseet glac’har ar glac’haret ;
N’euz ket kuzet he fas outhan ;
Mes he zelaouet Hen deuz pa grie dezhan.
26 Meulet e vezi ganen me en asamble bras ;
Peur-ober a rin va gwestlou dirag ar re a souj ac’hanout.
27 Ar re izel a zebro hag a vezo leuniet ;
Ar re a glask an Aotrou Hen meulo ;
Ho kaloun a vevo da virviken.
28 Holl bennou an douar ho devezo sonj a gement se, hag a zistroio d’an Aotrou ;
Holl famillou ar boblou en em stouo dirag da fas.
29 Rag ar galloud a zo d’an Aotrou,
Hag he ren var ar boblou.
30 Holl binvidigeien an douar a zebro ive hag en em stouo ;
Ar re holl a zisken var zu ar poultr
Hag an hini pehini na hell ket miret he vuez, a blego dirazhan.
31 Ar rum da zont Hen servicho ;
Komzet he vezo euz an Aotrou d’ar rumach da zont,
32 Dont a ratont, hag e tisklerifont he justis
D’ar bobi pehini a c’hano, abalamour ma Hen devezo groet an traou ze.
1 Zalm David.
AN Aotrou eo va fastor ; n’em bezo ket a ziennez.
2 Va lakaat a ra da ziskwiza var beuri mad ;
Kas a ra ac’hanoun a hed an dour zioul.
3 Laouenaia a ra va ine, 3
Ma ren a ra en gwenojennou ar wirione, abalamour d’he hano.
4 Pa valein zoken en traounien skeuden ar maro,
N’em bezo aoun rag drouk ebet ; rag Te a zo ganen ;
Da vaz ha da walen eo am dic’hlac’har.
5 Sevel a rez an daol dirazoun, en gwel euz ar re am zrubul ;
Eolia a rez va fenn a eol ; va c’halei a zo leuniet.
6 Ia, ar madou hag an drugarez am c’heulio enpad holl deiziou va buez,
Ha choum a rin en ti an Aotrou evit biken.
1 Zalm David.
AN douar a zo d’an Aotrou, hag ar pez a zo ennhan,
