a lorniez eo, pehini en em lak er gouli ze. 21 Mes mar gwel ar sakrifier penaoz n’euz ket a vleo gwen en tarch, ha penaoz n’eo ket dounoc’h evit ar c’hroc’hen, ha penaoz eo deued da veza tevaleet, ar sakrifier a zastumo an den ze enpad seiz devez. 22 Ha mar en em asten var ar c’hroc’hen, ar sakrifier hen disklerio dibur : eur gouli a lorniez eo. 23 Mes mar d’eo an tarch choumet er memeuz leac’h, ha ma n’eo ket en em astennet, eo eur grezien a c’houli ; ar sakrifier hen disklerio pur.
24 Pa hen devezo eun den var he groc’hen eur boazaden groet gant an tân, ha ma vezo merk ar boazaden eun tarch gwen-ruz pe wen, ar sakrifier a zello piz outhan ; 25 ha mar d’eo ar bleo deuet da veza gwen en tarch, ha ma ve he gwel dounoc’h evit ar c’hroc’hen, eo al lorniez deuet eo er boazadur. Ar sakrifier a zisklerio an den ze dibur : eur gouli a lorniez eo. 26 Mes mar gwel ar sakrifier penaoz n’euz ket a vleo gwen en tarch, penaoz n’eo ket dounoc’h evit ar c’hroc’hen, ha penaoz eo drouk livet, ar sakrifier a zastumo an den ze enpad seiz devez. 27 Ar sakrifier a zello piz outhan er seizved devez ; mar be en em astennet an tarch var ar c’hroc’hen, ar sakrifier hen disklerio dibur : eur gouli a lorniez eo. 28 Mes mar d’eo an tarch choumet er memeuz plas, ma n’eo ket astennet var ar c’hroc’hen, ha deuet da veza tevaleet, eo bos ar boazadur. Ar sakrifier hen disklerio pur, rag grezien ar boazadur eo.
29 Pa hen devezo eur goaz pe eur plac’h eur gouli er penn, pe er baro, ar sakrifier a zello piz er gouli. 30 Mar d’eo dounoc’h evit ar c’hroc’hen, ha ma e zo ennhi bleo var ar melen ha dister, ar sakrifier hen disklerio dibur : an tîn eo, lorniez ar penn pe ar baro eo. 31 Mes mar gwel ar sakrifier, o sellet gouli an tîn penaoz n’eo ket dounoc’h evit ar c’hroc’hen, ha penaoz n’euz ket a vleo du ennhi, ar sakrifier a zastumo enpad seiz devez an hini pehini hen deuz gouli an tîn. 32 Ar seizvet devez ar sakrifier a zello piz euz ar gouli. Ma n’eo ket an tîn en em astennet, ma n’en deuz ket a vleo melanek, ha ma na vez ket dounoc’h evit ar c’hroc’hen, 33 an den en em douzo, mes na douzo ket leac’h an tîn ; hag ar sakrifier a zastumo eun eilvet gweach, enpad seiz devez, an hini hen deuz an tîn.34 Goude, ar sakrifier a zello piz euz an tîn er seizvet devez. Ma n’hen d’eo ket an tîn en em astennet var ar c’hroc’hcn, ha ma n’eo ket dounoc’h evit ar c’hroc’hen, ar sakrifier hen disklerio pur : gwalc’hi a raio he zillad hag e vezo pur. 35 Mes mar d’eo an tîn en em astennet var ar c’hroc’hen, goude ma vezo bet diskleriet pur, ar sakrifier a zello piz outhan. 36 Ha mar d’eo an tîn en em astennet var ar c’hroc’hen, ar sakrifier na glasko ket a vleo melanek : dibur eo. 37 Mes mar seblant dezhan eo an tîn paouezet, ha ma ho deuz bleo du boutet, an tîn a zo iac’heet : pur eo, hag ar sakrifier hen disklerio pur.
38 Pa ho devezo eur goaz pe eur plac’h tarchou var groc’hen ho c’horf, tarchou gwen, ar sakrifier a zello piz outhei. 39 Mar deuz var groc’hen he gorf tarchou euz a eur gwen-rouz, eo eun tarch gwen pehini a zo savet var ar c’hroc’hen : pur eo.
40Pa hen devezo eun den dibourveet a vleo, eo moal ; pur eo. 41 Ha mar d’eo he benn dibourveet a vleo euz kostez he fas, eo eun tal moal ; pur eo. 42 Mes mar deuz en loden he benn adreg pe araog, eur gouli euz a eur gwen-ruz, eo eur gouli pehini a sav el loden moal adre pe araog. 43 Ar sakrifier e zello gant evested ; ha mar d’eo ar bos euz ar gouli euz a eur gwen-ruz, en loden moal adre pe araog, henvel euz a lorniez kroc’hen ar c’horf, an den ze a zo lor, dibur eo ; 44 ar sakrifier hen disklerio dibur ; he c’houli a zo en he benn.
45 Hag al lor pehini a vezo gouliet hen devezo he zillad roged, hag he benn en noaz ; golo a raio he varo hag e krio : Dibur ! dibur ! 46 En holl amzer ma hen devezo ar gouli, e vezo dibur ; dibur eo ; choum a raio he unan, he choumach a vezo er meaz ar c’han.
47 Pa vezo eur gouli a lorniez var eur gwiskamant gloan, pe var eur gwiskamant lin, 48 var feutr pe var eur wiaden lin pe gloan, var eur c’hroc’hen pe var eul labour benag groet gant krec’hen, 49 ha ma vezo ar gouli glazek pe ruiek, var ar wiskamant pe var ar c’hroc’hen, var ar feutr pe var ar wiaden, pe var eun dra benag a groc’hen, eo eur gouli a lorniez ; diskwezet e vezo d’ar sakrifier. 50 Ar sakri-
