Adlennet eo bet ar bajenn-mañ
— 28 —
Kure en doa klasket an tu da gas Laouig d’ar skolaj.
⁂
— « Tosta aman », eme an aotrou Kure da Laouig ha ne grede ket mont beteg ar gegin. « N’eo ket Mari-Jan a raio aon d’it, michans ! ! »
— « O nann, c’hat ! » a lavaras Mari-Jan en eur c’hoarzadenn. « N’eo ket da d’it kaout aon ! Aman ez eus eur berenn evidout, sell ! N’eo ket lavaret e pefe tanvaet biskoaz per evel hounnez ? »
— « Nann ’vat », a respontas Laouig hardisoc’h. « Du-man n’eus ket a draou evelse, nag e ti va noun kennebeut. »
— « Ha da vamm, Laouig ? » a c’houlennas Jani, ar plac’h all, « pare eo ? »
