AR PEDENOU PEMDEIEK
————
En hano an Tad, hag ap Mab, hag ar Spered-Santel, Evel-se bezet gret
————
Aktou ar c’hristen mad.
War don : Eun Doue hepken adori.
1. akt a fe war brezans doue
Ma Doue, me gred fermamant
Penoz ez oc’h aman prezant ;
Rak-se gant gwir humilite
Me rent homaj d’ho Majeste.
2. akt a adorasion
M’hoc’h ador, Doue, ma C’hrouer ;
M’hoc’h ador, Jezuz, ma Zalver;
Choui eo ma mestr ha ma roue ;
Ha d’ec’h ôn tout, korf hag ine.
3. akt a drugare
M’ho trugareka, ma Otro,
Dimeuz hoc’h oll madelezo ;
D’am bean krouet ha prenet,
|
Hag en hoc’h Iliz resevet ;
D’am beân (*henoaz) konservet,
Ha diouz pep danjer diwallet.
* Da noz leret hirie.
4 akt a ofrans
Kement a rin hag a lirin,
A zonjin hag a andurin,
A ofran oll da c’hloar Doue,
Dre-z-hoc’h, Mari, mamm a drue.
3. [sic] eksamen a gonsianz
Ma Jezuz, reit d’in sklerijen,
Evid ober ma eksamen.
Hag eur gontrision barfet
A gement pec’het am eus gret.
En em arretomp aman da eksaminan hon c’honsianz.
|
