— 28 —
|
- Hag arlerc’h bezan poaniet diragoc’h er bed-man,
Arlerc’h bezan pedet stank en hoc’h ilis aman,
Dirag ho tron en Envou, d’ac’h ni ol a gano
Kan an anaoudeges-vad, vel ma kaner eno ! Amen.
|
N° 17. — Adoromp ol e Zakramant an Oter.
War an ton N° 17.
- Adoromp ol e Zakramant an Oter
Gwir Vab Doue, Jezus hon Mest, hon Zalver :
Sperejou evurus, prinset euz e bales,
Adoret-han genimp, Meulet-han da james,
Meulet-han da james. (bis)
- Dre drugare evidomp ol inkarnet,
Dre garante en Hosti zantel kuzet,
Deut, ma Zalver Jezus, euz an oter ho tron,
Da rei d’imp ol breman ho penediksion,
Ho penediksion. (bis)
- Enor ha gloar ha karante eternel,
D’an Tad, d’ar Mab, ive d’ar Speret-Zantel :
Meulomp hag adoromp tri Ferson en Doue,
Epad an ol amzer hag an eternite,
Hag an eternite. (bis)
|
N° 18. — Kristenien, bobl eürus.
War an ton N° 18.
|
- Kristenien, bobl eürus, bugale da Jezus,
Deut, adoromp hon Tad karantezus :
Hen eo hon Roue ha Roue an Ele.
|
