5. Pilat a revus da gentan,
Zinan eur zetans ken dal :
N’heller ket kondaon, emezan
Eun den a zo didamal.
6. Herodes hag e vignonet
A ra goap ouz hon Zalver :
Jezus na respont ger ebet
D’ar roue louz ha muntrer.
7. An ol bobl goneet breman
Gant arc’hant ha komjou kaer,
A zav e vouez eneb dezan,
Wardro gant prinset ar Gèr.
8. O kredi distân o c’holer
Pilat a c’halv zoudardet,
Ha gante, stag ouz ar voger,
Jezus a zo skourjeet.
9. War e ben dre fars e lakont,
Barou spern da gurunen,
Ha dirak-han e taoulinont
O c’hoarzi deuz e anken.
10. Pilat a ziskouez er stad-ze
Jezus d’ar bobl kounaret :
Barnet-han, hastet, emeze,
Na c’houlomp ken hen gwelet !
11. Etre Jezus ha Barabbas
Ar Judevien, en eun toi,
A ziskleri eo gret o choaz,
Barabbas a fel d’he ol !
12. Jezus, e Groaz war e ziouskoa,
A gers trezeg ar C’halvar,
Diners eo, ha kouezel a ra
Bete teïr gwej d’an douar.
13. Veronik, ar grage zantel,
Ha Simon, war hent ar Groaz,
Epad ma tec’h an ebestel,
Zo gant Jezus en e c’hloaz.
14. Ouz ar Groaz neuze hen stager,
Tachou hir en e vemprou :
A bep tu dezan zo daou laer
Brudet dre o zorfejou.
15.Seiz gwej Jezus a lein ar Groaz,
Kent mervel a n-euz komzet :
Genimp eman e Galon c’hoaz,
Daoust d’e boaniou ken kalet !
16. Da deir heur na chom ken eno,
Nemet eur c’horf dizec’het :
Zalver ar bed a zo maro,
Gant e vugale skoèt !
17. An heol a guz, ar bed a gren,
Jeruzalem zo spontet !
Ha d’e Vam ger war he barlen
Jezus a zo diskenet.
18. O Mari, o Mam a drue,
Gant o sikour, a-vreman,
Ni dalc’ho zonj hed hon bue
Ouz maro ho Mab henan.
K. G.
