Pajenn:Kantikou brezonek eskopti Zan-Briek ha Landreger.djvu/111

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 106 —

Ar zent a ielo d’an Env, d’an ifern ar re-fal,
Bemde er wirione-man ol e tlefemp zonjal.

2. Pa dostao fin ar bed e vo gwelet o tont
An Antekrist miliget, a rei krenan gant spont
Kenkoulz ar gristenien vad vel ar bec’herien vraz,
Trubuill, brezel vo dre-ol vel na vo bet biskoaz.

3. Diwar o zreit gant an nec’h an dud a dizec’ho,
Strakal a rei ar gurun, an douar a greno,
En oabl al loar vo ru-goad, ar steret a gouezo,
Na biken mui deuz an heol sklerijen na baro.

4. En draouien, war ar mene, dre-ol e krog an tan ;
N’euz ken a dud dre ar bed, maro eo peb unan...
Zouden e korn an drompill e pevar c’horn ar bed :
Gant an ele vit ar varn an ol a zo galvet.

5. Ar maro a zo spontet hag an douar ive
O welet eskern an dud o sevel deuz ar be ;
A bep tu, euz fons ar mor, hag euz ar berejou,
Evit mont d’ar memes lec’h beo e sav ar c’horfou !

6. War eur goabren lugernus e vo gwelet neuze
O tisken euz an Envou Jezus hag e ele :
E Groaz splanoc’h vit an heol vo douget dirak-han,
Hag ar pemp gouli zantel a lintro warnezan.

7. Ha kenkent dirag an ol e vezo diskleriet
Petra n-euz gret pep hini ha petra na n’euz ket ;
Eürus neuze ar re-vad da vezan bet miret
O ine pur ha divlam, rak breman int zalvet.

8. Eno vo dizoloet stad an ol galonou,
Ho pue vo anavet gant tud an ol broiou ;
An tad, ar vam a welo bue o bugale,
An eil bried a welo dizurjou egile.

9. Pec’her, pec’heres dirol, et da goach gant ar vez,
Goude goal-skuer ho pue hag ho fallagries ;