gant komzou elavar ho alvokadet [1].
An noblans hag ar veleien a enebaz da genta. Mez abarz pell, eun nebeud persounet a en em lakeaz a du gant ar bobl. Ha d’ar seiz var-n-ugent a vis Even, an oll Gannadet a en em zastumas, assamez, hag a gemeras an hano « Assemblée Nationale. »
Labourou an Assemblée nationale. — Guiriou an noblans kaset da netra. — Madou an iliz laëret, al lezen eneb ar c’houentchou.
Etouez ar goulennou deuet deuz peb korn Bro-C’hall d’ar Gannadet, e-z oa kalz a eneb an noblans.
Lod noblansou, e guirionez, a zalc’he, stard, da viriou, avechou kalet, bet roet d’ho zudou koz, en amzer guechall.
An iliz hag ar c’houentchou a rea, aliez, ar memez tra.
Ouspen-ze, an noblans hag an iliz, var bouez eur millionou benag roet d’ar gouarnamant, n’ho doa da baea nemet nebeut taillou. Al loden vrasa deuz ar c’hargou a gueze var ar vourc’hizien hag al labourerien. Hag ar re ma a c’houlenne beza dizamet [2].
D’ar goulen-ze, e zea da veza sevenet abarz pell. Rak an traou, er vro, a iea var ho c’hement all. Ar Barizianed ho doa kemeret ha dismantret ar Bastill, eur c’hastel koz hag oa deuet da veza eur prizoun, e kear Paris.
An dud divar ar meaz a lavare : Pe guir ar Barizianed ha dieuz taolet d’an traon ho c’hastel, ni a
