erbet aral ; goulen e hra anehon get er greden ne chomè ket mui krampoeh lardet e hoantè ha nann nitra kin. Seahet é de gonzeu er vatéh.
— Bout e zo hoah leah amonen aveit unan, emé er vatéh.
Nag é vehè bet pladet er gurun ar é ben ne vehè ket bet goah dehon. En un taul é ma dueit d’é selleu ha kollet er gonz dehon.
Abret neoah é ta d’é hargaten fichal muioh eget d’é vizied. Nezé é ma bet ret d’er grampoèheréz strobellat doh er lostad devéhan.
Krog e hra Joel en é iéh marmouzek, én ul lod get é ganlabourizion, èl ma hra perpet er gemenérion aveit penfollein en ostizion e vè droug getè dohtè.
Un herrad ne gleuér getè konz nameit a « vaen champagn » a « helkez korn » [1] Kerloreu, Brambiz ha Kerhaleg ; a vureh « fan » brein Kervotéz hag er Huern ; a « galsoneu koed » ha « gourien voén » Kerdeg ; a « hrahig » aùélet en Derùen-Doul ; a « chilip » tret Pen-er-Prad e hellér dèbrein d’er gunér èl dé sul er Lard. Ne oè pâréz nag én ihuern nag ar en doar de « véien » sklouf Kervén na haval de lous « kourd » Kerpoul e lonkè guinègr ha deur aveit amerh « pi »
er bléad. Ret e vehé obér tèr guéh tro en doar aveit
- ↑ Kelkez korn = bara ; gourien voén = ioud kerh ; Krahin = kig moh ; véien = ur plah ; kourd = goaz ; pi = chistr ; biochennek = kouskeréz ; kahart = pal ; kaponed = pautred ; kisgous = laer bouid.
