Get a rèvradeu tréhiadur é ma bet Pipi é cherreh adal ma chonjè én tam pont-sé !
N’en doé ket biskoah na guélet na kleuet nitra étalton, pas ataù reih mat, met biskoah n’en doé eùé gorteit en noz aveit hersal é sammeu diarnehon.
A pe vezè lakeit dehon é sammeu « deur » é saùé d’é ben rah lavareu er hornad diar er putrol pont-sé hag obér e hrent dehon, ar greiz en dé, hirisein ar é dreid pèl kent ma tegoéhè geton.
Laret e vezè éh oè bet Pipi Latira, un tad banbochour aral, é kavet en diaul anont, ha bihan dra ohpen éh oè oeit geton.
Pipi Latira nen dé ket un dén flaù, ha neoah ne ven ket mui, ne vern aveit petra, tremén diar Pont-en-Azen arlerh m’é ma kuhet en héaul. Guèl e vè geton obér un droiad a ziù pé tèr lèu kentoh eget tremen diar er pont.
Pipi Garaud e gredè el larereheu-sé èl ma kredè predegeu é berson. A houdé guerso Pipi ne hoantè ket mui hoari doh Brelatoré Pont-en-Azen é huchal dehon saill ar er pont.
Guéharal, a pe oè iouank ha liant ha trézet er pont dehon, doh goubañner-noz é ma bet doh er goulen diù huéh lerh-oh-lerh, en diaul Brelatoré, met n’en doè ket kredet huchal dehon tèr guéh ha neoah éh oè bet un toulad eun bras é stagein dohton. Ha goudé, n’en des ket guéh erbet fonnet dehon laret mar en doè guélet pé kleuet un dra benak get é droiad.
