diskoharn de cheleu un doéré ker kaer ha ker mât. Bout e zo ur bochad treu, e chonjen-mé eùé, de éañnat é me Jekon aveit hé difisturat…
— É me « hani »-mé eùé, tu en Digedon ! Un droiad chistr e béein deoh hui mar bè mât hou toéré, tu !
— Biskoah guel ! darz Latira ! Biskoah braùoh ! biskoah guiroh…
— Hama, tu en Digedon ! hui hou po hui hou troiad chistr…
Met hui, petra éh oh bet hui é péein de bautred en Toulchaj ?
— Mé, darz ! met nitra ! Perak é vehen mé oeit de béein dehé ? Ne gonzent ket dohein-mé. Ne sellent ket dohein mé ! N’ou atersen ket mé ! Ne hren ket mé van a cheleu dohtè… Ne zelien mé nitra dehé ha oeit onn me hent hemb bout péet troiad erbet dehé.
— Hama ! tu en Digedon ! ne béein ket mé troiad erbet deoh hui eùé…
— Hola ! darz Latira ! dishaval é hou toéré hui doh me hani-mé. Éh oh bet hui é hratat un droiad ha hui hé féo pé… huit ! ne laran nitra !
— Ho ! a bouéz un droiad, ne sellan ket ken tost. Kerhet geti, tu !
— Hama ! darz Latira ! chetu me fautr blèu ru displéget er loden getan ag é zoéré :
« Er voéz difistur », e zistill ean, « e rek bout haval doh orloj bras en iliz, doh ur maligorn, doh en dason… »
