É ma bet er Meillouz Digedon éh obér un droiad én Toulchaj. Deit e zo geton doéréieu, chistr ha séhed.
É tonet é beg borh en Touldoar é lar d’é sant :
« Darz ! ur sam chistr e zo deit genein ; un diskuéh e zo ret dein rein dehon. Taget onn d’er séhed : ret é dein en torrein. Doéréieu éh onn bet é kleuet ; ne hellan ket ou goarn genein.
« Tusamb, darz men dén ! trema tavarn Latira. Ihuélik é hoah en héaul duzé ha ne huélan ket eùé rezi de stéren er Hemenér.
« Tusamb, darz ! de zihernein men diùeskér get un diskuéh, de dorrein me séhed ha de zidagein men goug, de voemmein Latira get danevel doéréieu pautred vras en Toulchaj. »
Tavarnet é er Meillouz ha Latira adâl en eil d’égilé, chistr morliùet étrézè ou deu.
Katar e hra er Meillouz, èl ur iar de gourz Malardé.
« Kleuet hui, darz Latira ! Kousteléet hui dohein ne houiet ket hui doh più ha petra é rek er voéz difistur bout haval pé dishaval ? Kousteléet hui un droiad chistr,… kant troiad chistr ! ur bimpad chistr hoah guel, darz Latiral Ne houiet ket hui ?… »
