jañnal. Deit e oè aveiton en hani de vout goapeit ha dejañnet. Bout e oè bet é chonjal boutein « Jaked » get er plahed ; deit e oè aveiton er hourz de sellet doh er « Jakedened » boutet geton.
Davéet é ag ur baré darboderion d’un aral, get en digaréieu kaeran. Spis é de huélet ne houlennant ket kerhet aveiton.
É guirioné, er baréieu darboderion ne glaskent ket goallein ou brud, é vonet de gonz, aveiton, de blahed e vehé bet, dohtè, èl méneu forn.
En darbodour « Sakadé », é unan, e zo bet é valein, ar luem, é begement dehon, ha pasket er huirioné splann gaer d’é spered.
« Sakadé ! me Mab, bout oh bet éh obér hou koal, en ur obér goap a dèr minouréz, ché ! ché ! ché ! Bout oh bet goapour ha dejañnour unañnigeu a desk ar plahed ; bout oh bet, ar un dro, éh obér, émesk er reral, ur baré vras a hoaperézed ha dejañnerézed, d’hou koapal ha dejañnal hui eùé, ché ! ché ! ché !
« Sakadé ! me mab, é tistag azohoh en tèr minouréz-sé, get hou trohadeu dejañnereh, éh oh bet ar un dro é tistag er réral, ché ! cheé ! ché !
« Sakadé ! me mab, er plahedigeu ne vourant ket bout goapeit, na guélet goapat ou hansortézed. Kavet e hrant getè penaus er goap, groeit ag ur ré, e vè groeit ag en ol. Avelsé é ma en doéré, ché ! ché ! ché !
« Sakadé ! me mab, goaperion ne zavéant ket darboderion. Darbodet hou treu houh unan, ché ! ché ! ché ! »
