e vo ret deoh chom, ar hou kulé, de horein deu ha tri miz goudé.
— Mé el lar deoh, er voéz, ne doulladein ket, ne vèuein ket, ne ivein ket. De foér er Rouañné, é marhad er moh, tré ma vè er hroah get hé zèr broh, éh a Job ha Iehann de chistrat ha de laret kaer ; de foér Fichig é vè ret fichal aveit lardein de Verh el Lard ; de foér er Hroahed éh ér de huélet mar da er Goukou get er Halleued. Hag, ohpen, ur ré pé deu a voteu é ma chonjet genein monet de glah, aveit lakat de séhein aben er gouianù.
— Mechal mar dé ret deoh hui obér tèr lèu aveit kavet ur ré pé deu a voteu ? Disul devéhan é helleh kavet anehè ha disul ketan, get hou troiad overen, é helleet hoah kavet ré ral.
— Boteu hur borh-ni ne vent ket ken difistur !
— Laret é ma guel genoh kol un deùeh aveit monet de sammein ur horvad chistr tèr lèu ahanemen. Hag, é guirioné, mal bras é deoh toulladein a neùé.
— Ne hrein ket, er voéz !
— Nitra suroh, é tei unan genoh. Dizoéet oh a houdé ne sour ket mui arnoh brèuereh er guendr hag er pistigeu.
— Me lar deoh, er voéz, ne vèuein ket, na ne hrein !…
— A pé vè me Job goalauzet ha brèuet d’er guendr, nezé ne sel ket mui doh er chistr ; met aben a pen da guel geton, nezé é ta hoant d’er menandour de lipat arré !
Ur ré pé deu a voteu e hoanta de gaout ; gellout e
