Pajenn:Gwilhom - livr el labourer.djvu/106

Eus Wikimammenn
Adlennet eo bet ar bajenn-mañ
97
GUERZENNEU.

En dæ bet en auter e za de glah Jezus ;
Mont e hrer de Garwez én ur ganein joéius.

Guélèt e hrer neoah, é kreiz ur hrouiz ponner,
É sewel a beb tu kogus ar en amzer,
É ridek, é tigor, é tiwal, é punein :
Kleu e hrer pel duhont er gurun é tarhein :
A vané de vané en dason e respond
Hag e streaw tro ha tro en heris hag er spont.
En houlen é Blanhoeh en des bet hum foenwet,
Én don ag er hoedeu en dél en des kreinet
Hag ér hanton, spontet ged un tarh ker ponner,
Nitra ne san mui grik, trouz er bet ne gleuer.
Én un taul, er hogus en des, el ur vantel,
Goleit ol er rehier hag el lehieu ihuel.
Mez el luhed e splann, e feut er gogusen,
Er gurun e griwa, e gorn a drest er pen ;
En amzer e zûa ; el luhéd, er brogon
E vurlet el lagad hag e voug er galon.
Ag er holern téhoel é saw un ahuel dro
E bun én henteu pras, ér parkeu, ol ér vro,
E saw ur beudren dû én evr ag en amzer
Hag e lam ged en dé ur restig a splannder.

A bazeu bras neoah de Garwez beniget
É tosté ged hirreah Neuliegiz spontet :