Pajenn:Gwilhom - livr el labourer.djvu/101

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
92
KESTEL IV.

« Baleét un herrad én ur sewel hou pen,
« Kent pel é huélehèt, a greiz ur gouh souchen,
« Un taul iouank é tont, é punein én amzer,
« É teval hag é koeh ar ur barig dister ;
« Astenet hou ruchen, groeit un heij d’er barad,
« Gronet én ul linsel, samet ind hardeh mat,
« Lakeit ind én ou leh ha, kent kalz a vlaieu,
« Hui e huélou ged joé karjet hou liorheu,
« Ha neoah é Kergrist, dévot ér prehesion,
« Trugairikeit Jezus én dé ag é bardon :
« Kenavo doh, me mab. » Ha kenteh en Eled
En dichen é Karwez é kreiz er fideled
El labourer eurus e lar mil trugairé
De Jezus, de Vari, d’er Sent ha d’en Elé.
Stuiet ar é zeuhlin bet son en angelus,
N’arsaw ket a bedein ged ur galon gredus.
Arlerh é goen, ér ger, é lar hoah é beden
Hag en trenoz vitin é kleu en Overen.

Ur ruchen ar é skoé, en er guéler touchand
É vont, a bazeu bras, de zan koed Lustrugand,
Hag, ar dro kreiz en dé, én nerh ag en tuemder,
D’er hours m’en doé laret tehon é Vam tiner,
Ean e gleu, én amzer, avel un ahuélen,
E saw é zeulagad, e huél ag ur grouisen