— Fé, mamm, me oa ken saouzanet,
Brouezet têr ha glac’haret,
Ken n’ouzon mui pe gomzou ’m eus
Laosket d’achap diouz ma diweuz ;
Hogen ne oa hini a-dreuz,
Karget a zrougiez na dispriz
Ouz ar mestr, ’n aotrou An Ostiz ;
Gér dijôj outañ ne daolis
Ha ne rôas d’in nep kastiz.
Met n’on ket ’vit mirout pelloc’h
D’hen lâret, mamm gér, dirazoc’h :
Neb a savas ken drouk skritur
’Oa sot-nay pe fall, a dra sur ;
Ha nep mar gell n’he reisa ket
’Zo eun… M’hen lâro divorc’hed :
