VI
Kentañ gwej ma ’c’h eas Gwilh d’ar skol,
E oa laouen evel an heol :
Desket ’n abeche war e yalc’h,
Em-santout ’rê eun nebeut balc’h ;
C’hoant d’ezañ gouzout dre ’n éñvor
Eur bern treou, ’vid ober enor
Ha beza talvoudek d’e vamm
O c’honit d’ei arc’hant eun dé,
Ar c’henta ’r gwella, dal m’hallfe…
En eur vont d’ar skol e c’hoarze,
’N eur dont endro héñ a ouele.
— Chezus ! ’me Anna gand estlamm,
Petra ’zo kôz d’it-te, Gwilhig,
Donet d’ar gér ken tristidik ?
