d’expliquein er vad e ra demb hun Æl-mad.
2.° Examinet a hui e hoès bet liès chonge a hou ç’Æl-mad, a hui e hoès bet soign ag er honsultein én hou arvareu hac ambarrasseu ; ha hui e hoès credet é ma é sourci carantéus en dès hou tennet ér mæz a fal affærieu, a zangérieu. Goulennet humblemant pardon guet-ou ag er bihan a sourci e hoès bet d’en hinourein, ha d’en trugairécat, hac é special a hou lisidantet é havalein doh t’ou dré er burtæt hac en humilité.
3.° Er moyant de laquat én hou calon ur gùir devotion é quevér hou ç’Æl-mad, e zou quettan tout chongeal ha credein é ma Doué en dès ean reit deoh eit hou secour d’obér hou salvedigueah. Pedet ean d’hou ç’assistein liès a uéh én dé, é special de vitin ha de noz. Hum gomportet attàu guet ur respet bras ha guet ur vodestis jaujabl doh un Æl, rac ma hoh attàu én é bresance. Beah perpet aboeissant dehou én ur héliein er chongeu mat e zegassou deoh. Bihuet pur èl d’ou, rac er vertu-zé e blige bras dehou hac hou rantou havallan doh t’ou. Beah humbl èl d’ou, hac hum zalhet èl d’ou hemb cesse é presance en Eutru Doué. Anfin douguet ol er bed, mar guellet, d’en devotion é quevér en Æl-mad, ha dré-zé hui e reï un dra agreabl d’hou ç’Æl-gardién ha d’en Eutru Doué.
