Hum brepar, me halon, de gârein un Doué quer carantéus hac e vérit quement bout câret ; hum brepar de vout poahet guet er flam crihuan, ag é garanté. Ha hui, me horf, hum breparet de vout castiet quehæt èl ma padou mem buhé. O corf quen douguet d’en drouc, mem brassan anemis ! disclériein e ran deoh ur brezel pamdiêc, renonciein e ran d’hou fal desirieu ha goulenneu diræzon. Ha hui, men goal inclinationeu condanein e ran hou ç’ol fal plégueu ; ne fal quet deign ma chervigehet mui deign, meit de sacrifice pamdiêc. Me chonge ha me résolution é hou mouguein, hou tistrugein hemb cesse guet er secour a græce men Doué. Joéïeu, madeu en doar, péelleit doheign, n’hou pou mui berh er bet ar me halon. Ne fal deign nitra eit-on ; ol quement-tra e mès hac em bou, inean, calon, corf, nerh, buhé, joéïeu, madeu, compagnoneaheu, ol é fal deign ou impléein, ou honsacrein de chervigein men Doué a garanté.
Mæs, ô men Doué ! secouret-mé, crihueit-mé, mar plige gueneoh, guet hou speret crihue ha dalhable ; ha ne bermettet quet ma abandonnein jamæs er chongeu mad, er résolutioneu e ran hinihue. O priæd sacret en ineanneu santel ! conservet per-
