Pajenn:Er Règl ag en drivet-Urh a Benigen, instituet dré er Séraphiq-Patriarch Sant Françæs.djvu/111

Eus Wikimammenn
Ar bajenn-mañ n'eo ket bet adlennet
107
a Benigen.

Jésus-Chrouist, e za de vout ou friæd, hac int e guemér ehué er galité a briædeu de Jésus-Chrouist, hac e ra dehou un droêt particuliér ar ou inean dré en donæzon e rant dehou a nehai ou hunan. Mar hanahuant er gonséquance ag en alliance cair-men, int e gonsacrou d’er priæd adorabl-zé ou halon eit er hârein, ou deu zom eit er chervigein, hac ou horf de souffrein dré benigen.

Hun Salvér doh é du e ra é galon d’é briædeu, ou hârein e ra guet ur garanté dalhabl hac éternel : ret-é enta ma ou dou gret ha courage d’er hârein, ha ne vou jamæs nitra capabl de yeinnat er garanté précius-cé. Mæs èl m’an dé guet é groéz ha guet é dacheu en dès hun Salvér sinet er hontrat a ou alliance, ean e fal dehou ma hélieint é draceu, ha ma hum selleint èl marhue d’er bed, ha bihue hemp quin, emé sant Paul, d’obér penigen, d’hum gastiein.

A p’ou dou chonget mat ha comprenet raih er ùirionéeu-men, int e larou nezé feis ou halon :

Ya, men Doué, mé hum offr tout antiér deoh, ne fal quet deign a galon meit d’hou cârein ; ne fal quet deign mui a gorf meit de souffrein er péh e blijou gueneoh.