Pajenn:Duhamel - An Hini Goz, 1913.djvu/3

Eus Wikimammenn
Adlennet eo bet ar bajenn-mañ
TEXTE BRETON


Diskan

An hini goz eo va dous,
An hini goz eo zur !

1.

Ha goulskoude var a velan,
An hini yaouank ar vravan.

Diskan

2.

An hini yaouank a zo koant,
An hini goz e deus arc’hant.

Diskan

3.

An hini goz am c’hondu mad,
An hini goz a zo d’am grad.

Diskan

4.

Ha goulskoude ebarz e kear,
An hini yaouank a garer.

Diskan

5.

An hini yaouank ’zo ker sounn !
An hini goz zo ’n tamik kroumm.

Diskan

6.

An hini yaouank ’zo lijer,
An hini goz a zo pounner.

Diskan

7.

An hini goz e deus bleo gwen,
An hini yaouank bleo melen.

Diskan

8.

An hini goz, liou raden zec’h.
An hini yaouank liou an erc’h ;

Diskan

9.

Liou an erc’h eo hag hi ker yen,
Na ra gozik eur zell ouz-hen.

Diskan

10.

Ha goulskoude n’ouzon perak
Ma chalon ra tik-tak, tik-tak ?

Diskan

11.

Tik-tak a ra ma c’halon baour
Pa ’zan da skei var doul an nor.

Diskan

12.

— « Tec’h alese, tec’h kuit, tec’h pell ! »
An hini goz a zo kant gwell. —

Diskan

13.

An hini goz a zo kant gwell,
Ne ra ket taillou demezel.

Diskan

14.

Demezelled na reont bepred
Nemet goap eus ar Vretoned.

Diskan

15.

Pa dao an dorn var benn he glin,
An hini goz a c’hoarz ouz-in.

Diskan

16.

An hini goz ’zo Bretonez,
An hini yaouank ’zo Gallez.

Diskan

17.

Pell eo ganhen var ar Gall brein,
Gant groc’hen an Diaoul var he gein !

Diskan

18.

Fae eo ganhen gant ar C’hallez
Gant hi karnou en he botez.

Diskan

19.

Mar gonzit a briedelez,
Komzit d’in eus ar Vretonez.

Diskan

20.

Ne lakfen van pa ve laret,
Eo ar Vretonez groac’hellet.

Diskan

21.

Evitan da vut groac’hellet,
Eun aval, blaz fall n’en deus ket.

Diskan

22.

Brezet drouk gant deb a garo,
Troc’het an ed, donet e vo.

Diskan

23.

Bezet drouk gant neb a garo,
Ma dous ha me ni eureujo.

Diskan

24.

Ni ’gousko en eur gwele kloz,
Var ar pell fresk bemnoz, bemnoz.

Diskan

25.

Ha pa ve ker koz hag ar bed
Ganhen e vezo goalennet.

Diskan

An hini goz eo va dous,
An hini goz, eo zur !