Adlennet eo bet ar bajenn-mañ
— 20 —
Gwir bater eo, diwar e benn, ar c’hrenn lavar koz :
Paourik pa binvidika,
Alies gand an diaoul a ya.
Fanch vihan ne-d-aio morse gand an diaoul, ha ne vezo morse fall e galoun gand ar binvidigez.
Ervoan
Her c’hredi a ran me ive, Jakez. A hend all, an Aotrou persoun, n’eus ket pell, en deus her displeget kaer, en e brezegen.
Pa vez roet d’eoc’h madou bras gand an Aotrou Doue, a lavare, likiit ho kaloun da veza gwelloc’h gwella, ha grit ar vad, hep marc’hata, d’an holl, d’an nesa, d’ar re glanv, d’ar re baour, d’an Anaoun.
Ar goel a zisken.