Adlennet eo bet ar bajenn-mañ
Fontanella a lavaraz
D’ar roue neuze p’hen c’hlevaz :
Re c’hlaz a gavann da varo
D’am barn ha d'am c’has d’ar maro.
Ar roue neuze, gant eun drem c’hlaz
Da Fontanella respontaz :
Mar d-oun-me re goz da varner,
Te zo re iaouank da waster !
Fontanella a lavare
D’he bach bihan eno neuze :
Pachik mad, kea brema buhan
Evid-oun-me da Goatelan,
Da lavarout d’ar benn-herez
Na zougo mui a zantelez ;
Rei d’in eur roched da wiska
Hag eul lisser d’am lienna !
