Pajenn:Congres celtique international.djvu/448

Eus Wikimammenn
Aller à la navigation Aller à la recherche
Adlennet eo bet ar bajenn-mañ


KOULM AR BARZ,

Gant Laouenanik Breiz

————


Da Varz Breiz, Ann Aotrou Kermarker.

————


— « koulmik koant, lavar d’in buan,
» Euz a be vro e nijez-te ?
» Red eo ma teufez euz ann ee,
» Rak evel-d-oud ne deuz unan.
 
» Strinka c’houez-vad a rez enn dro,
» Dre ma tigor da ziou-askel ;
» Piou oud-te ’ta, ma n'oud eunn el ?
» Ha dont da choum a rez d’hor bro ?
 
» — Ia, dont a rann brema da Vreiz,
» Etrezek eur Barz ne hanvinn ;
» Gant Doue euz bet kemennet d’in
» Karet anezhan noz ha deiz.
 
» Digant Doue en deuz va frenet
» Evit eur zon ar re gaera ;
» Desket em beuz gant-han kana
» Ar zon gaer-ze a zesk karet.
 
» Gant-han me zo euruz meurbed,
» Mont brema kuit me ne garfenn ;
» Klevet bemdez kan he delenn
» Zo va brasa dudi er bed.