Unan a vezo choaset,
Ha leset eguile.
Mès me vel o tigueri
Levr ar c’hounsciançou ;
Chetu o tisolei
Stâd an oll galounou ;
An den just, an den pec’heur
Oll er stad ma emint,
An oll è levr ar barneur
A vel splem petra int.
Ar vugale direol
Gant o zad hac o mam,
Zo quer sclear hac an heaul
Guelet o büez iffam ;
An eil pried a velo
Disurziou ê bried ;
Pec’heur ebed ne hallo
Mui cuzet e bec’het.
Pec’heur, pec’heres lubric,
Ma zi-de gant ar vez !
Cètu da vüez impudic,
Da oll fallagriez,
Ar c’hrimou ac’heus nac’het
Oc’h da Dad Confessor,
A vouez an oll discuillet ;
O mez, o disenor !
Amâ eat oll en egar
E crio ar pec’heur
Ra zigoro an doüar
D’am lounca var an heur ;
Varnon, varnon, Menezyou,
Bruzunit va esquern ;
Va c’husit, ô abymou,
E fin fount an ifern.
