Va desir eo, va Zalver, d’ho receo en effet ;
Hoguen ur c’hraç quer caër nemeus qet meritet.
C’hui a zo leun à justiç hac à bep santeles,
Ha me ne d’oun bet, sioas ! nemet ur pec’her ques !
Dre lies a bec’hejou va ene zo blesset,
Hoguen c’hui so medecin, rentet dezi yec’het ;
Hastit prompt, me ho suppli, antreït em c’halon :
Va sicourit da drec’hi pep goal dentacion.
O preciussa banguet evidomp preparet !
Ar c’horf sacr eus va Jesus hac e voad beniguet
E zan da receo bremâ èr Sacramant santel,
Evel un erres certen eus ê c’hloar eternel.
Piou eo an den a ouffe miret c’hoas ê zaëlou ;
O sonjal èr vadèles â Jesus va Autrou !
O velet ê drugares, ê garantes tener,
Evidom-ni, pec’heurien, bugale à goler.
Ne zisfiomp quet eta à vadèles Doue,
Anavezomp es omp coupabl, ha chenchomp â vue ;
Chasseomp hor pec’hejou, hac hon ingrateuri,
Rac leun à drues ouzimp prest eo d’hor pardouni.
Gant feiz ba gant confianç, hon eneou goalc’het,
Humblamant gant carantes tostaomp d’ar banquet :
Deomp, invitet omp-ni gant hor Zalver Jesus
Da receo ê gorf sacr hac é voad precius.
