Pajenn:Calloch - A Genoux.djvu/195

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ


III

...Er bed e ié de gol, noz er péhed er golé
A houdé pear mil vlé, mab-dén ér gloéz e houilé,
Glahar lan é galon, lan é gorv a zrougeu garù,
Edan bili en diaul mab-dén e gerhé d’er marù.

IV

Mes ur stirennig dous en des luéhet én néan du,
Ur gañnen estlamus e saù joéius a bep tu...
O doar, taù get er soéh dirak er burhud neùé :
Eit salvein en dud ol, Doué en hum hra dén eùé.

V

Er huirioné bremen é pep lèh e dreménou,
Héaul mat er Garanté ér bed abéh e splannou ;
Er peah e vou roué ér béd ; ne vou mui poén na dareu,
Rak ur hroèdur bihan ’zou gañnet d’emb én ur hreu.