Adlennet eo bet ar bajenn-mañ
Bamdé ’ta d’emb unan neùé.
Bamdé é redek-mor ar ul lestrig distér,
E stléjal linenneu pé roued,
Zoh er Gornog é tamb endro ar er retér,
El un én-mor é klask é voued.
Liès éh amb d’en aod get hor bageu gouli,
Breùet d’er skuihdér ha d’er véh :
Er mor e zo hor mestr, ni zo é veùelli,
El ma kar e hra d’emb-dalbéh.
Liès é vé lakeit hor gouélieu a dammeu,
Get nerh diaolek en avél-ru :
O ! anù hor michér-ni zo splann ar hon dremmeu,
Ar hon dremmeu débret d’er fru ! . . . . . . . . .
. . . . . . . . . . . . . . . . . . . . . . . . . . . . . . . . . . . . .