Pajenn:Calloch - A Genoux.djvu/107

Eus Wikimammenn
Adlennet eo bet ar bajenn-mañ


GUELEDIGÉH
————

« Visio dura nuntatia est mihi.... »

(Isai., XXI, 2).


Perak taùein bepred, pen dé er ùirioné ?...

Er barh én é gousked en des bet un huné ;
    Pignet e oé ar ur mañné
En em guhé é ben é sol kogus en né.

Ponnér e oé en oebl ; ne huéhé gren auél ;
    Du èl er seih péhed maruél,
En noz, duhont, en um lédé ar en dremùél.

Na trouz na fénùaden tro d’er barh-baléour ;
Hernet get en deùeh-séhour,
Er Bed skuih e gouské didan sell é Grouéour...