Adlennet eo bet ar bajenn-mañ
146
al lizeren a laz
Laouik
Oh ! penoz ! eun idol, kalon sakr hor Zalvcr !
Burzuduz e pep lec’h, meulet a bep amzer !
Loranz
N’en em zislarin ket. Ia, aotrou, eun idol
Dioanet neuz ket pell e pen leanez fol.
Me lavar deoc’h, aotrou, n’ho c’heuz beteg hirio
Klevet nemed eur c’hloc’h. Eun devez a deuio
Hag e kleofot re all. Neuze gant levenez
E stlapfot ho kevier, dirag ar wirionez.
Ivona
An ofern e latin ne intentet gant den !
Petra rit hu euz Paul neuz roet ar reolen :
» Ra bedo pep hini en he iez ; gweIloc’h eo
» Pemp girik skler eget tregont mil na glevo
» Den en iliz santel. »
