Pajenn:Cadic J.-M. - Kanen Morised - RM,1894.djvu/6

Eus Wikimammenn
Aller à la navigation Aller à la recherche
Adlennet eo bet ar bajenn-mañ
96
LA COMPLAINTE DE MAURICETTE



4. A houdé deu vlé treménet
En hi goulenné eit pried ;
Mèz, get eun a zisplij de Zoué,
Hé zad na hi ne gousañté.

II

5. En dé kent, a houiliad Bihui,
Ar en dro é tént, e m’en di ;
Pièr Guéganig, get hardéhlèd
E lar é choñj de Vorisèd.

6. — « Morisèd, d’ein é larehtèt,
« Ha hui em har pé ne hret ket ?
— « Pièr Guéganig, ia sur m’hou kar
« A greiz me haloñ mé el lar.

7. Morisèd ur geu e laré,
Er huéh ketañ én hé buhé :
Eun hi doé ag er hemenér,
Ha hi e zoujé en dañjér.

8. — « Morisèdig, mar em haret,
« Hui gousañtou bout me fried
« Arhoah vitin, a pe saüein,
« D’hou koulen get hou tad é hein.

9. — « Dé mat, boulom, e laran d’oh,
« Hou merh e houlennan get-n-oh.
— « Me merh Morisèd n’hou pou ket,
« Na hui na kemenér erbet.

10. — « Mèz chañjet e mès a vichér,
« Oueit on breman de vout krogér.
— « Ne vern péh michér huès choéjet
« Me merh Morisèd n’hou pou ket.