Pajenn:Bocher - Bleuniou Yaouankiz.djvu/53

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ


AL LEVRIOU KOZ


O levriou dispar, levriou dudius,
Nag ez hoc’h d’in-me kaer ha talvoudus
Ha frealzus !

Na skwizan kamet o lenn, o furchal,
Ho folennou koz, melen ha tenval,
Mes dishual.

C’houi, pa oan bugel, dinerz, hep skiant
A lake em c’hreiz poell ha diskamant
Hep nec’hamant.

Ganac’h e tiskenn ar wir zantelez,
Skianchou ar bed, evel ar furnez,
Al levenez !

Ganac’h e tiskenn karout pep tra vad :
Doue, E lezen, ma mam ha ma zad,
Ma Bro ervad.