En eur zevel he fenn,
Hi a laras doanik ;
— « Ouz ma hano penn-da-benn
» A ve groet Annaïk… »
— « Annaïk, ken karet,
» Klevet en han Doue,
» Me ho ped n’ankouaet ket,
» O nan, ma c’harante…
» Evidoc’h me a vo,
» Ya, ar gwellan mignon ;
» Oh ! miret d’in, en distro,
» Eul lec’h en ho kalon !
» Na c’houllan ket nemeur,
» Gout a ret, me ho kar,
» Mar karet e vin d’ac’h breur
» Ha c’houi a vo d’in c’hoar ? »
— « Dimeus ma c’harante,
» N’eo ket eun tam hepken,
» Ma c’halon diwar hirie,
» A zo d’ac’h da viken ! »
